ઘણા વ્યક્તિ રિલેશનશિપને આગળ વધારવાનું વિચારી રહ્યા હોય છે ત્યારે એમનો પાર્ટનર અમુક એવા મુદ્દાને લઇને શાંત થઇ જાય છે. શું તમને પણ એવો અનુભવ થાય છે કે તમારી સરખામણીમાં તમારો પાર્ટનર તમારી સાથેના સબંધને લઇને થોડો બેદરકાર છે? આ તમારા માટે ચિંતાની વાત કહેવાય છે.
હકીકતમાં આ વાત સો ટકા સાચી છે એવું નથી હોતું કારણ કે મોટાભાગે છોકરાઓ આવા કિસ્સામાં વધારે સમય લેતા હોય છે. જો તમને પણ તમારા પાર્ટનરના ઇરાદા પર શંકા થઇ રહી હોય કે તે તમારા રિલેશનશિપને લઇને વધારે ગંભીર છે કે નહીં અથવા તો તમને તેમનો વ્યવહાર મગજમાં બેસતો નથી, તો આ ચાર લક્ષણોથી તેના મનમાં ચાલી રહેલી વાત વિશે તમે અંદાજો લગાવી શકો છો.
તમે એકબીજાને ડેટ કરી રહ્યા હોય તે અંગે કોઇ ત્રીજાને જાણ ન કરવી :- જો હકીકતમાં તમારા બંને વચ્ચે સંબંધ ગંભીર હોય તો તમારા પાર્ટનર ચોક્કસપણે એમના પરિવાર સાથે અને દોસ્તો સાથે મુલાકાત કરાવશે,
પરંતુ જો તમારા પાર્ટનરે હજુ સુધી કોઈ સાથે મુલાકાત નથી કરાવી, તો કોઇ ગડબડ થઇ શકે છે. જો તે તમને હજુ પણ દોસ્ત તરીકે જ લોકો સાથે મુલાકાત કરાવી રહ્યા હોય તો એવામાં તમારા માટે જરૂરી છે કે તમે થોડા સાવચેત રહો.
શું તમારો પાર્ટનર અચાનક તમને જણાવ્યા વગર ગાયબ થઇ જાય તો… :- જ્યારે પણ તમે કોઈ જગ્યા પર ફરવા માટે જવાની યોજના બનાવતા હોય તો શું તમારો પાર્ટનર પણ તમને ત્યાં ન જઈ શકવાના બહાના કાઢેછે? શું તમારા કેટલાય મેસેજ કર્યા પછી પણ તે તમને કોઈ જવાબ નથી આપતો? તો આવી પરિસ્થિતિ ચિંતાજનક બની શકે છે.
શું તમારી સાથે પણ આવુ થાય કે તમારો પાર્ટનર એકાએક તમારા પ્રત્યે એકદમ ભાવુક થઇ જાય અને કોઇ દિવસ અચાનકથી જ તમને જણાવ્યા વગર ગાયબ થઇ જાય તો તમારા સબંધમાં કોઈ ગડબડ થઇ શકે છે? જો તમારા રિલેશનમાં પણ આવું થતું હોય તો તમારે સાવચેત રહેવું જોઈએ.
સાર્વજનિક જગ્યા પર મુલાકાત કરવાથી સંકોચ થવો :- શું તમારો પાર્ટનર તમારા ઘરે મળવા માટે તરત જ તૈયાર થઇ જતો હોય, પરંતુ જ્યારે કોઇ હોટલ કે જાહેર જગ્યા પર મુલાકાત કરવાની વાત આવે ત્યારે તે નારાજ થઇ જાય તો સમજી જવું જોઈએ કે તમારો પાર્ટનર આ રિલેશનને લઇને ગંભીર નથી.
ભવિષ્યની યોજના પર વાત કરવાથી સંકોચ થવો :- જ્યારે બે જણા ખરા હૃદયથી કોઇ રિલેશનમાં બંધાય અને તે સબંધને આગળ વધારવાની વાત કરી રહ્યા હોય તો તેની પાસે ભવિષ્યની યોજનાઓને લઇને ઘણા પ્રકારની વાતો અને વિચાર મનમાં આવે છે.
પરંતુ જો તમારા પાર્ટનર ભવિષ્યની યોજના વિશે તમારી સાથે વાત કરવામાં રસ દાખવતો નથી તો સમજી જવું કે તમારે તેનાથી અલગ થઇ જવામાં જ ભલાઇ છે. નહિ તો પછી પસ્તાવાનો સમય આવી શકે છે.
