ટીવી જગતમાં ઝી ટીવીની સીરિયલ ‘પવિત્ર રિશ્તા’થી ઘર-ઘરમાં જાણીતી બનેલી અભિનેત્રી અંકિતા લોખંડે તેની સુંદરતા અને અભિનય માટે જાણીતી છે. આજે પણ અંકિતાની ફેમ લોકોમાં એટલી છે કે દરેક વ્યક્તિ તેના વિશેના દરેક નાનામાં નાના અપડેટ જાણવા માટે હંમેશા ઉત્સુક હોય છે.
ટીવીની દુનિયામાં ધમાલ મચાવ્યા બાદ અંકિતા ધીમે ધીમે બોલિવૂડ અને ઓટીટી પર પોતાની પાંખો ફેલાવી રહી છે. જ્યાં આ દિવસોમાં અંકિતા તેની તાજેતરમાં રીલિઝ થયેલી શોર્ટ ફિલ્મ ‘ધ લાસ્ટ કોફી’ તેમજ તેની પ્રેગ્નન્સીના સમાચાર માટે હેડલાઇન્સમાં છે.આ અફવાઓ વચ્ચે, અભિનેત્રીએ હવે તેની પ્રેગ્નેન્સી અંગે પોતાનું મૌન તોડ્યું છે.
જ્યારથી અર્ચના એટલે કે ‘પવિત્ર રિશ્તા’ની અંકિતા લોખંડેએ વિકી જૈન સાથે લગ્ન કર્યા છે ત્યારથી અભિનેત્રીની પ્રેગ્નન્સીના સમાચારો ચર્ચામાં છે.પરંતુ હજુ સુધી અંકિતાએ આ પ્રેગ્નન્સીની અફવાઓ પર કોઈ નિવેદન આપ્યું નથી.જો કે, તાજેતરમાં એક મીડિયા સંસ્થાને આપેલા ઈન્ટરવ્યુમાં અંકિતાએ આ વારંવારના અહેવાલો પર વાત કરતા કહ્યું કે, ‘પહેલા ફક્ત લગ્ન, પછી પ્રેગ્નન્સી અને પછી છૂટાછેડાના અહેવાલો હતા, પરંતુ તેનાથી મને કોઈ ફરક પડતો નથી.કોઈ મારા વિશે શું કહે છે તેની મને ખરેખર પરવા નથી.
અંકિતા લોખંડેએ પોતાની વાતને આગળ વધારતા કહ્યું, ‘લોકો કંઈક બોલશે… તેમનું કામ બોલવાનું છે.લોકો તેના વિશે વાત કરશે, પરંતુ જ્યાં સુધી તેઓ તેના વિશે વાત કરી રહ્યાં છે, તે ઠીક છે. પરંતુ જ્યારે આ લોકો કંઇક ખોટું બોલશે, ત્યારે આ બધું મારા જીવન પર ખરાબ અસર કરશે. જો તે મારી પ્રેગ્નન્સી વિશે વાત કરે તો હું ખૂબ જ ખુશ છું કારણ કે હું ચોક્કસ એક દિવસ પ્રેગ્નન્ટ થઈશ અને હું જાતે જ લોકોને તેના વિશે જણાવીશ.’
અંકિતા લોખંડેએ પણ આ મુલાકાતમાં તેના પતિ તરફથી મળેલા સમર્થન વિશે વાત કરી અને કહ્યું, ‘તે ખૂબ જ સમજદાર પતિ છે અને સૌથી વધુ તે મારા સારા મિત્ર છે. તે જાણે છે કે હું મારી નોકરીને કેટલો પ્રેમ કરું છું.અમે કામ વિશે ચર્ચા કરીએ છીએ અને તે મારી દરેક જરૂરિયાત સમજે છે.તે મારી પ્રતિભા પર વિશ્વાસ અને સમર્થન કરે છે. હું તેમને કહું છું કે હું શું કરવા જઈ રહી છું. મને એમને બધું કહેવું ગમે છે.
અંકિતા લોખંડેના કરિયરની વાત કરીએ તો ‘પવિત્ર રિશ્તા’માં અર્ચના અને ‘મણિકર્ણિકા’ની મહત્વની ભૂમિકા ભજવ્યા બાદ અભિનેત્રી હવે ‘ધ લાસ્ટ કોફી’ ફિલ્મમાં જોવા મળી રહી છે. આ એક ટૂંકી ફિલ્મ છે જે Zee5 પર રિલીઝ થઈ છે. ફિલ્મની વાર્તા છૂટાછેડાને અંતિમ સ્વરૂપ આપતા પહેલા રેહાન અને ઇરામની છેલ્લી વખત કોફીના કપ પર મળેલી મુલાકાતની આસપાસ ફરે છે.
