રશિયા અને યુક્રેન વચ્ચે એક વર્ષથી યુદ્ધ ચાલી રહ્યું છે.પરંતુ હજુ પણ આ યુદ્ધ ખતમ થયું નથી.આખું વિશ્વ ઇચ્છે છે કે આ યુદ્ધનો અંત આવે, છતાં હજુ સુધી કોઈ નક્કર પગલાં લેવામાં આવ્યા નથી.એક વર્ષ પહેલા જ્યારે રશિયાએ યુક્રેન પર આક્રમણ કર્યું હતું, ત્યારે તેણે બીજા વિશ્વયુદ્ધ પછી યુરોપમાં સૌથી મોટું યુદ્ધ શરૂ કર્યું હતું.રશિયાએ હુમલો કર્યા બાદ ત્રીજા વિશ્વયુદ્ધની ચર્ચાએ જોર પકડ્યું હતું.ઘણા નિષ્ણાતોએ કહ્યું કે આ યુદ્ધ ત્રીજા વિશ્વ યુદ્ધમાં ફેરવાઈ જશે.તે જ સમયે, ઘણા નિષ્ણાતોએ કહ્યું કે યુદ્ધની શરૂઆતથી ત્રીજું વિશ્વ યુદ્ધ ચાલી રહ્યું છે.આપણે તેમાં જીવી રહ્યા છીએ અને તે સતત વધી રહ્યું છે.
તેનો ઉલ્લેખ પણ સામે આવતો રહ્યો, જે મુજબ વર્ષ 2023માં ત્રીજું વિશ્વ યુદ્ધ થશે.નોસ્ટ્રાડેમસે વર્ષ 2023 માટે ત્રીજા વિશ્વ યુદ્ધની આગાહી કરી છે.પરંતુ નિષ્ણાતો એ સમજી શકતા નથી કે આ ભવિષ્યવાણી રશિયા-યુક્રેનના સંદર્ભમાં કરવામાં આવી છે કે પછી ચીન અને તાઈવાનના સંદર્ભમાં.નોસ્ટ્રાડેમસે પોતાની એક ભવિષ્યવાણીમાં કહ્યું હતું કે, ‘સાત મહિના સુધી મહાન યુદ્ધ, ખરાબ કાર્યોથી લોકો મૃત્યુ પામ્યા.’લોકોએ આ ભવિષ્યવાણીને ત્રીજા વિશ્વ યુદ્ધનું નામ આપ્યું છે.જો કે તેને રશિયા-યુક્રેન યુદ્ધ સાથે જ જોડવામાં આવી રહ્યું છે.
24 ફેબ્રુઆરી, 2022 ના રોજ, રશિયન ટેન્કો યુક્રેનમાં પ્રવેશી હતી. આને કારણે સામાન્ય લોકોને બંકરોમાં છુપાવવાની ફરજ પડી હતી. યુદ્ધની શરૂઆત થઈ ત્યારથી જ દુનિયાભરની સરકારોએ રશિયા સામે આકરાં પ્રતિબંધો લાદ્યાં છે, પરંતુ તેનાથી પુતિનને ખાસ ફરક પડ્યો નથી. રશિયાના રાષ્ટ્રપતિ વ્લાદિમીર પુતિન હજી પણ યુક્રેનના મોટા ભાગ પર કબજો કરે છે. આ તે સમયે છે જ્યારે યુક્રેન કબજે કરેલા વિસ્તારોના મોટા ભાગમાંથી રશિયન સૈન્યને હાંકી કાઢવામાં સફળ રહ્યું છે.
યુદ્ધને કારણે બંને દેશોને ભલે સહન કરવું પડ્યું હોય, પરંતુ તેમાં કોઈ શંકા નથી કે યુક્રેને સૌથી વધુ દુર્ઘટના જોઈ છે. હજારો સામાન્ય યુક્રેનિયન નાગરિકો અને સૈનિકોએ પોતાનો જીવ ગુમાવ્યો છે. આશરે ૮૦ લાખ યુક્રેનિયન લોકો દેશ છોડીને ભાગી ગયા છે. આ યુદ્ધની ખરાબ અસર માત્ર રશિયા અને યુક્રેન પર જ નહીં, પરંતુ સમગ્ર વિશ્વ પર પડી છે. યુદ્ધના કારણે સમગ્ર વિશ્વમાં ઈંધણ મોંઘું થઈ ગયું હતું. મોંઘા ક્રુડ ઓઈલના કારણે સમગ્ર વિશ્વની સપ્લાય ચેઈન ખોરવાઈ ગઈ છે અને મોંઘવારી વધી છે. આ જ કારણ છે કે વિશ્વ નથી ઇચ્છતું કે નાસ્ત્રેદમસની ભવિષ્યવાણી સાચી પડે.
