સુખી જીવન જીવવા માટે દરેક વ્યક્તિ પૈસા કમાવવા માંગે છે. દેવી લક્ષ્મીને ધન અને સમૃદ્ધિની દેવી માનવામાં આવે છે. જે વ્યક્તિ પર માતા લક્ષ્મી પ્રસન્ન થાય છે તેના ઘરની તિજોરી ખુશીથી ભરી દે છે. જો તમે પણ તમારા ઘરમાં માતા લક્ષ્મીની કૃપા મેળવવા માંગતા હોવ તો ચાણક્યની આ અમુક ખાસ બાબતો ધ્યાનમાં જરૂર રાખવું, તો ચાલો જાણી લઈએ એ બાબતો વિશે..
ચાણક્ય અનુસાર ધન વિના મનુષ્યનું જીવન મુશ્કેલીઓ અને સંઘર્ષથી ઘેરાઇ જાય છે. ધન પાસે ન હોવાથી દરિદ્રતા મનુષ્યને ઘેરવા લાગે છે, તેથી જીવનમાં ધનનું વિશેષ મહત્વ જણાવવામાં આવ્યું છે. પરંતુ તે ધન કેવી રીતે આવે છે? જેનો જવાબ બધા માટે જાણવો ખૂબ જ જરૂરી છે. ચાણક્ય અનુસાર જો જીવનમાં ધનવાન બનવુ હોય તો કેટલીક એવી આદતોને પોતાની અંદર વિકસિત કરવી જોઇએ જેથી લક્ષ્મીજીના આશિર્વાદ પ્રાપ્ત થાય.
કરોડપતિ બનવા માટે અપનાવો કઠોર શિસ્ત :- ચાણક્ય અનુસાર જીવનમાં ધનવાન તે જ બને છે જે કઠોર શિસ્તનું પાલન કરે છે. તમારી આસપાસ જેટલા પણ કરોડપતિ અને ધનવાન વ્યક્તિ છે જેમના જીવન પર નજર કરશો તો સમજાશે કે તેઓ કેવી રીતે શિસ્તબદ્ધ જીવન શૈલીનું પાલન કરે છે. જે વ્યક્તિ આળસનો ત્યાગ નથી કરી શકતો તે ક્યારેય ધનવાન નથી બની શકતો. કારણ કે લક્ષ્મીજીને નિયમોનું પાલન કરનાર વ્યક્તિ પ્રિય છે.
સ્વચ્છતાનું મહત્વ જાણો :- ચાણક્ય અનુસાર જે વ્યક્તિ સ્વચ્છતા પર ધ્યાન નથી આપતો. સ્વયંને સુંદર પ્રસ્તુત કરવાના પ્રયાસ નથી કરતો, આવા લોકોમાં અન્યોને પ્રભાવિત કરવાની ક્ષમતા નથી હોતી. સ્વચ્છતા વિશે જે વ્યક્તિ વધુ ચિંતા નથી કરતો તે આળસી, બીમાર અને આત્મવિશ્વાસથી નબળા હોય છે. આવા લોકોમાં નવીન કાર્ય કરવાની ઉર્જા નથી. તેથી ધનવાન બનવુ હોય તો સ્વચ્છતા અપનાવો.
સમય પર તમામ કાર્યોને પૂરા કરો :- ચાણક્ય કહે છે કે સમયની કિંમત આગળ કોઇપણ વસ્તુ મૂલ્યવાન નથી, જે સમયની કિંમત નથી જાણતા, તેમને નાની-નાની સફળતાઓ પણ મોડી પ્રાપ્ત થાય છે. આજના કામ કાલ પર ન છોડવા જોઇએ. જે લોકો આવું કરે છે, તે ધનના મામલે બીજા કરતાં પાછળ રહી જાય છે.
