ટીવીના સૌથી પ્રખ્યાત કોમેડી શો ‘તારક મહેતા કા ઉલ્ટા ચશ્મા’માં પોતાની ઓળખ બનાવનાર દયા બેન ઉર્ફે દિશા વાકાણી છેલ્લા 4 વર્ષથી શોથી દૂર છે, ઘણી વાર એવા અહેવાલ આવ્યા છે કે દિશા શોમાં વાપસી કરી રહી છે. પરંતુ ચાહકોની આ રાહ પૂરી થવાનું નામ નથી લઈ રહી.
એવું માનવામાં આવે છે કે દિશાનો પતિ મયૂર ઇચ્છતો નથી કે તે આ શોમાં પાછી આવે. આપને જણાવી દઈએ કે દિશાએ પુત્રીના જન્મને કારણે આ શોથી પોતાને દૂર કરી દીધી હતી. તે જ સમયે, તાજેતરમાં દિશાની 4 વર્ષની પુત્રીની કેટલીક તસવીરો સામે આવી છે. જેને ચાહકો ખૂબ પસંદ કરે છે.
દિશા વાકાણીએ 24 નવેમ્બર, 2015 ના રોજ ચાર્ટર્ડ એકાઉન્ટન્ટ મયુર પંડ્યા સાથે લગ્ન કર્યા. અને વર્ષ 2017 માં દિશાએ એક પુત્રીને જન્મ આપ્યો. જેનું નામ તેમણે સ્તુતિ રાખ્યું.
સ્તુતિના જન્મ પછી દિશાએ ‘તારક મહેતા કા ઉલ્ટા ચશ્મા’થી બ્રેક લીધો હતો. હવે દિશાની પુત્રીની આ તસવીરો સોશિયલ મીડિયા પર એકદમ વાયરલ થઈ રહી છે. દીકરીનો પહેલો ફોટો શેર કરતી વખતે દિશાએ લખ્યું કે, ભગવાન અમારી દીકરીને આશીર્વાદ આપે અને તેને દરેક મુશ્કેલીથી બચાવે.
આ સાથે જ થોડા મહિના પહેલાનો દિશાનો ફોટો પણ ઘણી હેડલાઇન્સ મેળવી રહ્યો છે. જેમાં તે પુત્રી સ્તુતિ સાથે અમદાવાદમાં એક ફેમિલી ફંક્શનમાં ભાગ લેતી જોવા મળી રહી છે. ફોટામાં દિશા ગુલાબી રંગની સાડી અને તેની પુત્રી આછા બ્લુ કલરના ડ્રેસમાં જોવા મળી હતી. જે ખૂબ જ સુંદર લાગી રહી હતી.
આપણે જણાવી દઈએ કે દિશાએ પોતાની અભિનય કારકીર્દિની શરૂઆત ફિલ્મ્સથી કરી હતી. તેમણે 1997 ની બી-ગ્રેડ ફિલ્મ ‘ કમસીન: ધ અનટચ’ માં અભિનય કર્યો હતો. આ પછી તેણે ‘ફૂલ ઓર આગ’, ‘દેવદાસ’, ‘મંગલ પાંડે: ધ રાઇઝિંગ’, ‘જોધા અકબર’, ‘સી-કંપની’ અને ‘લવ સ્ટોરી 2050’ જેવી ફિલ્મોમાં કામ કર્યું છે.
