રૂપાલી ગાંગુલી અને ગૌરવ ખન્ના સ્ટાર અભિનિત ‘અનુપમા’ સિરિયલએ ટીઆરપી લિસ્ટમાં તેમજ દર્શકોના દિલમાં સારી જગ્યા બનાવી છે. શોમાં દિવસેને દિવસે આવા ટ્વિસ્ટ અને ટર્નસ આવી રહ્યા છે જેણે દર્શકોનોં ઉત્સાહ વધારી દીધો છે…
આ દિવસોમાં માયાનો લવ એંગલ પણ ‘અનુપમા’માં બતાવવામાં આવી રહ્યો છે. તે અનુજને પ્રેમ કરવા લાગી છે.આગળના એપિસોડમાં આપણે જોયું કે અનુજ માયાના કહેવા પર અનુપમાને કંઈ કહેતો નથી અને આ વાતે તેને અંદરથી ખુબ જ હચમચાવી નાખ્યો છે. બીજી તરફ અનુપમા અનુજના હાથ પર બાંધેલી પટ્ટી કાઢીને ડસ્ટબીનમાં ફેંકી દે છે.પરંતુ ‘અનુપમા’માં આવતા ટ્વિસ્ટ એન્ડ ટર્ન્સ અહીં પૂરા થતા નથી.
માયા અનુપમાને ઘરની બહાર ફેંકવા વનરાજ સાથે હાથ મિલાવશે..
આગળ ‘અનુપમા’માં બતાવવામાં આવશે કે માયા મનોમન ખાયાલી પુલાવ રાંધવાનું શરૂ કરે છે કે તે વિચારે છે કે અનુજના મનમાં પણ મારા માટે કંઈક છે અને તે મને છોટી માટે દત્તક પણ લઈ શકે છે.
અને જ્યારે કાવ્યા માયાને કહે છે કે વનરાજ હજુ પણ અનુપમા માટે લાગણી ધરાવે છે, ત્યારે તેનો ચહેરો ચમકી ઉઠે છે. એવું માનવામાં આવે છે કે માયા હવે અનુપમાને અનુજના જીવનમાંથી બહાર કાઢવા માટે વનરાજ સાથે હાથ મિલાવશે..
માયા કાવ્યા સામે અનુજ પ્રત્યેના તેના પ્રેમનો એકરાર કરશે.
અનુપમા ટૂંક સમયમાં જ માયાને કાવ્યા સમક્ષ અનુજ પ્રત્યેના તેના પ્રેમની કબૂલાત કરતી જોવા મળશે. તે ચોખ્ખા શબ્દોમાં કહે છે કે તે અનુજના પ્રેમમાં છે. તે કાવ્યાની સામે કહે છે, “મને લાગે છે કે ક્યાંક અનુજ પણ મને પસંદ કરવા લાગ્યો છે, કારણ કે તેણે અમારી રાત વિશે કોઈને કહ્યું નથી.”
કાવ્યા માયાને પાઠ ભણાવશે
‘અનુપમા’નોં મનોરંજનનો ડોઝ અહીં પૂરો નથી થતો.શોમાં જલ્દી જ બતાવવામાં આવશે કે કાવ્યા માયાને સમજાવશે કે અનુજ માત્ર અનુપમાને પ્રેમ કરે છે.તેણે 26 વર્ષથી અનુપમાની રાહ જોઈ છે અને તે બંને રાધા-કૃષ્ણ જેવા છે. જો તમે તેમની વચ્ચે આવશો, તો તમે બરબાદ થઈ જશો.
પરંતુ માયા તેની વાત સાંભળવા સંમત થતી નથી અને કહે છે, “હું માયા છું અને માયા પોતાનું ભાગ્ય જાતે જ લખે છે.” પણ કાવ્યા માયાની હરકત સહન કરી શકતી નથી અને ત્યાંથી જતી રહે છે..
